फड़ापेन सुमिरन मंत्र
सल्लेर गंगेर इमा जीवा जाई। सज़ोर सुक्ति गुणो मन माई।। मति मेंद गोडं एमा पूनो। अव्वल बाबो कयोम कुरुमो।। सिंगार पुंगार निंगार कैसे। कैंजर बेंजर लेंगर मासे।। आकाश पाताल पोकराल सयमो। इमा गर इमा जान इमा रयमो।।
कायमी।।
कायमी।।
चिड़ी मिच्ची जय लमोटिया मुयम्तिया। मटिया उमोटिया सुक्ति अदितिया।। इमा गुर्रे बर्रे बिन्सासी जंतेर। इरवासी कासे सोज़ोर पेन मन्तेर।। अन्न खूट धन खूट जन खूट तोडी। धन्थाय भन्ठाय होलेराय मूडी।। येरा खंडेरा सिरपा महेदा।। सागा तारा मारा मूसी अहेड़ा।। मुठवाल जुगल भुलाल नुसी। इमा नुल्ले डिनरिमा भुजंग बीसी। पुयार रमाकिआ भुंय मूंठ सुक्कम। नलेंज पुरवा निलु भेरू भस्सुम।। तप तेज उन्दे मेत मनमाई सुरवा। पारंड गंगाराग नालेज पुरधा।। इमात अव्वल इमात बाबो।इमात तम्मुरक इमात ताड़ो।
मिकुल फडापेन मिननेट मावा।
मिननेट मावा इमा केंजा केंजा।।
इदामा सुमिरन सोसोरपेन नीवा।।
जोहार जोहार जय सेवा-सेवा।
मिननेट मावा इमा केंजा केंजा।।
इमा केन्ज़ा केन्ज़ा मिननेत मावा।।
1. ओ.... मावोर संयु गुठौली सेराल गोरा।
2. सर्वे पेन तन सल्लेर गंगेर।
3. लिंगो, सुन्यामोद वेरची।
इद निक्को बेरा ते एगोट मिकुन सुमिरिनकेटोनोम। मीवा शीतल तत्वानुंग अमोट मीकुन तारिहत्तोनोम।
1. येर सारेकेटोनोम।
2. कुर्कमका सियाटोनोम।
3. कोया पुगार पंडरी पुंगर तरीहतटोनोम
4. धूप पारा सियाटोनोम।
5. अमोत मिकुन तल्ला कोटसी जय सेवा जय जोहारकितानोम। ओऽऽऽ हद सिरदी सिंगार सृष्टि सल्लेर गंगेर फदा सुक्ति तां मीवा सीतल नेगनुंग अमोट मिकुन तारिहत्तोनोम।
(@)
No comments:
Post a Comment